لە کۆنگرەیەکى رۆژنامەوانیدا ئامارى دەزگاى تەندروستى پیشمەرگە بۆ ساڵى 2018خرایە روو




ئا:کەتایون محەمەد

ئەمرۆ کاتژمێر 12لە کۆنگریەکى رۆژنامەوانیدا  د.شەمال جەبار یاوەر بەرێوەبەرى گشتى دەزگاى تەندروستى پێشمەرگە ئامارى سەرجەم کارو چالاکیەکانى دەزگاى تەندروستى پێشمەرگە بۆ ساڵى (2018) راگەیاند.
د.شەمال جەبار یاوەر بەرێوەبەرى گشتى دەزگاى تەندروستى پێشمەرگە لەکۆنگرە رۆژنامەوانیەکەدا  رایگەیاند: لە ساڵى (2018) دا کۆى ژمارەى نەخۆش یەک ملیۆن و دووسەد و سى هەزار و سەد و هەشتاو هەشت نەخۆش بووە لە هەر 15 نەخۆشخانە و سەنتەرى پزیشکى و تاقیگەکانى سەر بەم دەزگایە ، هەرلەو ساڵەدا  توانیمانە بەشێکى نوێ بکەینەوە کە ئەویش کردنەوەى گەورەترین نەخۆشخانەى فریاکەوتن بوو سەر بە دەزگاى تەندروستى پێشمەرگەیەئەویش  نەخۆشخانەى  فریاکەوتنى شەهید شێرکۆ حاجى رەزا  بوو لە سنورى شارى سلێمانى کە لە (40) قەرەوێڵە پێکهاتووە و بە گەورەترین نەخۆشخانەى فریاکەوتن دادەنرێت لەسەر ئاستى عێراق. 
هەر لەو کۆنگرەیەدا د.شەماڵ جەبار ئامارى زیاترى خستە روو و ووتى" سەنتەرى هستۆپاسۆلۆجى (پشکنینى شێر پەنجەیى )لە ماوەى ساڵى رابردوودا (9413) نەخۆش پشکنینى شێرپەنچەیان بۆ کراوە کە بەراورد بە ساڵانى رابردوو رێژەکە زیادى کردووە، هەروەها باسى لەبەشى تیشک کرد و ووتیشى ئامێرى 3 تێسلا کە لە کوردستاندا  نیە،خۆشبختانە سەنتەرى تیشکى نەخۆشخانەى شۆرش ئەم ئامێرە هەیە و کارى پێ دەکرێت و لە ماوەى ئەو ساڵەدا توانراوە  (8071) نەخۆش MRI  بەبێ بەرامبەرلەم بەشەدا بۆ  ئەنجام بدرێت.

لە میانەى ئەم کۆنگریەدا بەرێوەبەرى گشتى دەزگاى تەنردوستى پێشمەرگە باسى لەوەشکرد" لە ساڵى (2018)دا لیژنەى پزیشکە سەربازى، (970) کەم ئەندام و نەخۆش و مۆڵەتى لیژنەکان و دەرەوەى وڵات و چەندین کەیسى تایبەت لەڵایەن ئەم لیژنەوە بینراون، هەر لە میانەى چالاکیەکانى نەخۆشخانەکانى سەر بەم دەزگایە (67) نەشتەرگەرى قەمبورى پشت(سکۆلیۆسز)  بە سەرکەوتووى لە نەخۆشخانەى چەمى ڕەزان ئەنجدامدرا، تیمەکانى چاودێرى تەندروستى هەر لە ماوەى ساڵى رابردوودا (2037)ڤاکسین یان بۆ پێشمەرگە و کارمەندانى نەخۆشخانە و هاوڵاتیان کردووە.


PM:01:17:20/01/2019




ئه‌م بابه‌ته 294 جار خوێنراوه‌ته‌وه‌‌



زۆرترین خوێنراو‌