دەزگای تەندروستی پێشمەرگە دەزگا تاقانەکەی یەکێتی


رەنگە زۆرێک لەداهێنانەکانی یەکێتی لەپاش راپەرینەوە تاقیکرابێتنەوەو دووبارە کرابێتنەوە و بەردەوامبوون لەداهێنانەکانی لەسەرجەم بوارەکانی راگەیاندن و کارگێڕی و پیشەسازی و تەنانەت بوارەکانی تری ژیاندا، یەکێتی بەردەوام شانازی بەدابینکردنی نان و ئازادی بۆ هونەرمەندان و ئازادی بیروڕا بۆ نووسەران و دابینکردنی دیموکراتی بۆ کۆمەڵانی خەڵک کردووە، بەڵام لەوەی کە تائەمرۆکە کە بەتاقانەی ماوەتەوەو پێشمەرگەئاسا و خۆنەویستانە خەباتی تێدا بەردەوام بێت، هەقمانە بلێن دەزگای تەندروستی پێشمەرگە یە ئەو دەزگایەی کەمام جەلال دامەزرێنەرییەتی ، هەر دامەزراوەیەکیش مام خاوەنی بێت، هەردەبێت تاقەنەبێت و دووبارە بوونەوەی ئەستەم بێت  .

سەرەڕای بوونی کێشەی زۆرو بیروڕای جیاواز بەدرێژای خەباتی یەکێتی لەسەرەتای دروست بوونیەوە ،کە ئەم شێوازە لە خەبات بەشێکە لە خەسڵەتی یەکێتی جیاکردنەوەی لە هێزەکانی پێشخۆی،ئەم جۆرە ململانێیە هەتا ئێستاش بەردەوامی هەیە، بۆ تێپەراندنی دۆخێکی لەم شێوەیە پێویستە هەموولایەک بگەرێنەوە ،بۆبنەماکانی دروست بونی یەکێتی وخەباتی راست وڕەوانی مام جلال.

گەراندنەوەی یەکێتی بۆ یەکێتیەکان ودورخستنەوەی لە ململانێی شەخسی.

دەزگای تەندروستی ونەخۆشخانەکانی شۆڕش یەکێکی کەیە لەوشانازیانەی یەکێتی ومام جلال ،هەتا ئێستا وبەبێ جیاوازی خزمەتی هەموولایەکی کردوە ونەبۆتە بەشێک لە ململانێکان،ماڵ وپەناگەی چارەسەری بوە بۆ هەموولایەک،چونکە پابەندی ڕێبازەکەی مام ین وخۆنەویستانە خزمەت ئەکەین.

هەموولایەک شاهیدی ئەوەن کەئەم دەزگایە چ ڕۆڵ و کاریگەریەکی هەیە ،لەشاخ ولەشارو لەسەنگەر چۆن ئەرکی خۆی بەجێ گەیەندوە،شکستی بەهەموو ئەوکۆسپ ولەمپەرانەهێناوە کەویستویانە ئاستەنگی بۆ دروست بکەن.

هەرچەندە لەهەموولایەک بەردەوام دەستخۆشی کراوە بەڵام تەنها ئەوەندە بەس نیە ،بەڵکودەبێت بەهەموولایەک هەوڵی چارەسەری کەموو کوریەکانی بدرێت،لەپێناو بەردەوامی وپێشکەش کردنی خزمەتکردنی هاوڵاتیان وهەژارانی ئەم نیشتیمانە.

خۆم شاهیدی ئەوەم ساڵی ٢٠٠٧ لە مەراسیمی دەزگای تەندروستی وکردنەوەی بینای نوێی نەخۆشخانەی گشتی شۆڕش جەنابی مام جلال ڕووی کردە بەرپرسانی یەکێتی وپێی وتن دەزگای تەندروستی و نەخۆشخانەکانی شۆڕش نەخۆشخانەی منەوئەبێت هەمووکاتێک ئاگاداری بنن ونەیەڵن هیچ کەمووکوریەکی هەبێت.     

   بۆیەدەبێت هەموولایەک وەفاداربێت بۆ نەخۆشخانەکەی مام.                             


AM:11:31:12/12/2017




ئه‌م بابه‌ته 206 جار خوێنراوه‌ته‌وه‌‌