ئەکسیۆنى نێرینە


ن/ مژدە جواد

قبوڵ کردنى چەمکى ئاشتى بە ئازادى ژنەوە گرێدراوە، ئەم چەمکە لەکۆمەڵگەى ئێمەدا هێندە کاڵ و کرچە کە لە گۆرەپانى ژیاندا بە راستى خۆى دەخاتە روو و لەئەکسیۆنى (کردار) تاکەکانى کۆمەڵگەدا رەنگدانەوەى هەیە، دەمەوێت باس لەوە بکەم کە گرنگى رۆڵى یاسا لەوەدایە کە تاچەند لە رێگەى پرانسیپە یاسا ییەکان و سەرجەم ئەو مادانەى پەیوەندى بە مافى مرۆڤەوە هەیە پراکتیزەى ئەو چەمکانە دەکات و تاچەندتوانراوە بە یاسایى کار لەسەر ئەوە بکرێت کە بە بیانوى شەرەف خوینى ژن نەڕژرێت و چیتر لە هەواڵەکان گوێبیستى کوشتنى ژنان نابین، ئەستەمە بەساناى بزانین کە کوشتنى ژنان بە بیانوى شەرەف هێشتا لە کۆمەڵگەى ئێمەدا کاڵتر بوەتەوە و مافەکانى ژنانان دەستەبەر دەکرێت.
 ئاخۆ ئەو هەوڵانەى  رێکخراوەکانى ژنان و دەیان ژن و پیاوى ئازادیخواز کەلەمسى ئایدیایەکیان کردووە بەمەبەستى ئاراستە کردنى پرانسیپەکان بۆ ژنانى نێۆ کۆمەڵگەى ئێمە، ئایا هەوڵەکانى ئەم ئازادیخوازانە توانراوە بگاتە ئاستێک کە پیاوانى کۆمەڵگەى ئێمە بە شێوەیەکى کۆنکرێتى تێبگەن لە چەمکى ئازادى و ئاشتى، چەندە بەئازارە بیستنى هەواڵى کوشتنى کچێکى لاوى خێر لەخۆوژیان نەدیووە بە دەستى نێرەیەک کە لە خێزانى خۆى بێت، ئەمە چ مرۆڤێکە کەهەناسەدانى مێیە یەکبە بیانوى   پەیوەندى خێزانیەوە بەدەستى ئەو بێت، لێرەدا دەمەوێت باس لەوە بکەم ئایا فیکرەى ئاشنا بوون بە ئازادى تا کوێ هەڵوەستەى بە پێاوانى ئێمە کردووە؟ و وایلێکردن مرۆڤ بوونى ژن  تەنیا بە قسە نەبێت و لە چوار چێوەى ئەکسیۆنى نێرینەدا بەهاى ژن رەنگدانەوەى هەبێت، ئاخۆ شەیما لەم ئاڵۆزى و نارۆشناییەى ئاماژەکاندا خەونى  بە چ جیهانێکەوە دەبینى، رەنگە چەندین شەیماى دیکە لە داهاتودا ببنە قوربانى دەستى کەسانى ناشرین و بیر چەپەڵ.


AM:10:15:26/11/2018




ئه‌م بابه‌ته 716 جار خوێنراوه‌ته‌وه‌‌